youthtech, 2026
CDEJ Connect
CDEJ Connect se yon platfòm dijital ki ede jèn yo aprann, patisipe nan aktivite yo, suiv pwogrè yo epi jwenn nouvo opòtinite pou devlope tèt yo.
- Wòl
- Konsepsyon pwodwi ak devlopman lojisyèl
- Teknoloji
- ReactTailwindCSSTypeScriptPostgreSQL

Pwoblèm nan
Enfòmasyon ak resous yo souvan gaye nan plizyè kote. Jèn yo ka gen difikilte pou jwenn ansyen fòmasyon yo, sonje travay yo dwe fè, respekte dat limit yo epi suiv pwòp pwogrè yo. An menm tan, ekip CDEJ yo bezwen fè anpil swivi manyèl pou jere prezans, aktivite ak patisipasyon jèn yo.
Sa m te fè
Mwen travay sou konsepsyon eksperyans itilizatè a ak devlopman entèfas platfòm nan. Mwen reflechi sou diferan espas ki nesesè pou jèn yo: paj akèy pèsonalize, bibliyotèk fòmasyon, swivi travay, prezans, pwogrè, defi, badj ak opòtinite. Mwen travay tou sou òganizasyon navigasyon an ak fason pou rann eksperyans lan senp pou jèn ki gen diferan nivo eksperyans dijital. Objektif la se kreye yon zouti ki pa sèlman pèmèt yo aprann, men ki ede yo rete angaje epi avanse.
Kote li ye kounye a
Pwojè a nan faz konsepsyon ak devlopman entèfas. Plizyè ekran ak eksperyans itilizatè deja travay, tankou paj akèy ak espas aprantisaj la. Entèraksyon ki prezan nan kèk entèfas yo poko konekte ak tout sistèm backend ki nesesè pou fè platfòm nan fonksyone nèt.